Offer u fräien Aarbechtsplazen
D’Chamberverwaltung sicht reegelméisseg nei Collaborateuren, fir all hiren Aufgabe gerecht ze ginn. Et geet drëm, sech mat vollem Engagement fir den éischte Pouvoir vum Land anzesetzen.
Disponibel Plazen
-
Wann Dir eng Aarbecht sicht an Iech wëllt an der éischter Institutioun vum Land engagéieren, da fannt Dir an der Chamberverwaltung attraktiv Aarbechtskonditioune mat dësen Elementer:
- de Statut vum Fonctionnaire vun der Chamber an de Gehälterregimm vun de Fonctionnairë vun der Chamber
- eng Strategie vu Modernisatioun a vun Optimisatioun vun den Aarbechtsofleef
- Aktivitéiten, fir d’Kohäsioun an d’Zesummenaarbecht ze stäerken, wéi zum Beispill Teambuilding-Evenementer
- Efforten, fir déi intern Kommunikatioun ze optimiséieren
- D’Méiglechkeet, d’privat an d’professionellt Liewen an Aklang ze bréngen, iwwer zum Beispill d’Promotioun vum Teletravail
- Der Chamber hiren Engagement, fir den Accent op d’Wuelbefannen op der Schaff ze leeën, an e staarken Engagement géint Diskriminatiounen.
D’Chamberverwaltung wëllt engagéiert, motivéiert, talentéiert a kompetent Leit astellen an e Pool vun de beschten Talenter a Kompetenze sinn.
-
Fräi Plaze ginn an der Rubrik vun den Offere fir eng Schaff publizéiert. Et fënnt ee se och an der lokaler Press. Fräi Plaze fir Fonctionnairen oder Fonctionnaire-stagiairë fënnt een op GovJobs.lu.
Spontan Kandidature ginn net ugeholl.
Stagen a Vakanzenjobbe ginn och ugebueden, awer a limitéierter Zuel no Krittären an Disponibilitéiten, déi all Joer definéiert ginn.
